logo-img

नागरिकता विधेयक अघि बढाउन सत्तारुढ नेकपा नै बाधक

काठमाडौं– संसदको राज्यव्यवस्था समितिले नागरिकता विधेयकका विवादित विषय टुंग्याउन चैतमा उपसमिति बनाए पनि सत्तारुढ दल नेपाल कम्युनिस्ट पार्टी (नेकपा)का कारण सो विधेयक अघि बढ्न सकेको छैन । नेकपाले नागरिकता सम्बन्धी विधेयक तत्काललाई अघि नबढाउन भनेपछि उपसमितिले ४ महिनासम्म काम गर्न पाएको छैन । 

राज्यव्यवस्था समितिले नागरिकतासम्बन्धी विधेयकका विवादित विषय टुंग्याउन नेकपा सांसद विजय सुब्बाको संयोजकत्वमा उपसमिति गठन गरेको थियो । उपसमितिले सो विधेयकमाथि सामान्य छलफल गरेर संसदको राज्यव्यवस्था समितिमै फर्काउने तयारी गरेको छ ।

पार्टी (नेकपा)ले अहिले नागरिकतासम्बन्धी विधेयक अघि नबढाउनू अरु विधेयक टुंग्याउनू भनेकाले अरू विधेयकमाथिको छलफल गर्दागर्दै समय पनि मिलाउन नसकिएका कारण सो विधेयक अघि बढाउन नसकिएको उपसमिति संयोजक सुब्बा बताउँछन् । 

उपसमितिलाई वैवाहिक अंगीकृत नागरिकता कसरी दिने, सम्बन्धविच्छेद भइसकेपछि नागरिकतामा भएको पूर्वपतिको थर फेर्न पाउने या नपाउनेलगायत विवाद १५ दिनमा टुंगाउनुपर्ने जिम्मेवारी दिएको थियो । तर, यसमा पर्याप्त छलपल नै हुन नपाएको उपसमिति संयोजक सुब्बाको स्वीकारोक्ति छ ।





  • प्रकाशित मिति : भदौ ७, २०७६ शनिबार १५:२१:२६

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया