काठमाडौं– पत्रकार शालिकराम पुडासैनीले आत्महत्या अगाडि आफ्नै मोबाइलमा रेकर्ड गराएको भिडियो काटकुट नभइ बाहिर आएको प्रहरीको प्रयोगशालाको रिपोर्टले जनाएको छ । यसअघि नेपाल आज नामको मिडियाले सार्वजनिक गरेको भिडियो काटकुट गरिएको वा छेडछाड गरिएको हुनसक्ने आशंका गरिएको थियो ।
जिल्ला सरकारी वकिल कार्यालयमा आफ्नो अनुसन्धान प्रतिवेदन बुझाएपछि अनुसन्धानमा खटिएका एक प्रहरीले अधिकारीले जनाए ।
‘बरामद भएको भिडियो सक्कली नै हो,’ अनुसन्धानमा खटिएका एक प्रहरी अधिकारीले फरक धारसँग भने, ‘ल्याबबाट पनि यो भिडियोमा कुनै छेडछाड नगरिएको रिपोर्ट आएको छ, त्यही अनुसार प्रतिवेदन पनि बनेको छ ।’
ती प्रहरी अधिकारीका अनुसार पुडासैनीको मोबाइलमा अन्य विभिन्न प्रमाण पनि भेटिएका छन् जसले पुडासैनीको आत्महत्यामा कसैले दुरुत्साहन गरेको हुनसक्ने आधार थिए । यसबारे अहिले बोल्दा अनुसन्धान प्रभावित हुनसक्ने भन्दै ती प्रहरी अधिकारीले केही बोल्न चाहेनन् ।
प्रहरीले पुडासैनीको मोबाइललाई परीक्षणका लागि आफ्नो ल्याबमा पठाएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।