एजेन्सी– अभिनेता अक्षय कुमारको फिल्म मिसन मंगल अहिले भारतीय बक्स अफिसमा धमाका मच्चाइरहेको छ । यसले भारतकै अन्य बलिउड स्टारहरुलाई समेत चिन्तामा पारेको भारतीय पत्रपत्रिकामा लेखिएको छ । 

अक्षयको फिल्म हिट भएकाले मात्र होइन, अर्को कुराले पनि उनी चर्चामा आएका छन् । यो कारण हो, कश्मिरमा भेटिएका अर्का अक्षय कुमार । 

सामाजिक सन्जालमा अहिले कश्मिरका माजिद मीरको निकै चर्चा बढेको छ । किनकि उनी ठ्याक्कै अक्षयकुमार जस्तै देखिन्छन् । 

माजिदको फोटो अब ट्विटरमा निकै सेयर भएको छ । उनी त सधैं टोपी लगाउँदा रहेछन् । टोपी लगाउँदा ठ्याक्कै अक्षयकुमार जस्तै देखिएका माजिदबारे निकै धेरै चर्चा भारतीयहरुले ट्विटरमा गरेका छन् ।