एजेन्सी– बेलायतमा रहने कश्मिर मूलका मानिसहरुले भारत प्रशासित कश्मिरमा जारी प्रतिबन्धको विरोधमा बुधबार लन्डनमा प्रदर्शन गरेका छन् ।
यो प्रदर्शनलाई ‘फ्रिडम मार्च’ नाम दिइएको छ । सुरुमा शान्तिपूर्ण रुपमा निकालिएको यो र्यालीले भारतीय उच्चायोगमा पुगेर चाहिँ उग्र रुपमा परिणत भयो ।
बेलायती सन्चारमाध्यममा आएका समाचारअनुसार प्रदर्शनकारीले भारतीय उच्चायोगमा ढुंगा, अन्डा, टमाटर तथा जुत्ताचप्पल फालेका छन् । यता, टाइम्स अफ इन्डियाले चाहिँ भारतीय उच्चायोगको झ्यालहरु फुटेको समाचार तयार पारेको छ । भारतीय उच्चायोगले पनि ट्विटरमा एउटा फोटो राखेको छ जसमा झ्यालको सिसा फुटेको प्रष्ट देख्न सकिन्छ ।
लन्डनका मेयर सादिक खानले चाहिँ यसको आलोचना गरेका छन् । यो घटनामा दुई जनालाई प्रहरीले गिरफ्तार पनि गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।