Mon, 23 Sep, 2019


फोरजीमा अपग्रेडका कारण शनिबार रातिदेखि टेलिकमको मोबाइल सेवामा समस्या देखिन सक्ने
फरकधार / भदौ २१, २०७६

काठमाडौं । नेपाल टेलिकमकाे जिएसएम मोबाइल सेवामा शनिबार रातिदेखि समस्या देखिन सक्ने जनाउँदै टेलिकमले एक सूचना जारी गरेकाे छ । 



आफ्नो सेवालाई फोरजीमा अपग्रेड गर्न लागेकाले त्यसका कारण सेवामा समस्या देखिन सक्ने जनाउँदै टेलिकमले सकारात्मक सहयोग गर्न आमग्राहकसँग आग्रह गरेको छ ।

सिस्टम अपग्रेडका क्रममा सेवामा कुनै समस्या आए मोबाइल अफ गरेर पुनः अन गर्न कम्पनीले सुझाब दिएको छ । शनिबार राति ११.३० बजेबाट मोबाइल सेवामा केही समस्या देखिन सक्ने कम्पनीले बताएको छ ।

आगामी माघसम्म देशभर नै टेलिकमकाे फोर-जी सेवा विस्तार गर्ने गरी चिनियाँ कम्पनीहरुले काम गरिरहेका छन् । हाल टेलिकमको फोरजी सेवा विस्तारको काम भइरहेको छ ।

टेलिकमले मुख्य सहरमा फोरजी सेवा विस्तारका लागि विभिन्न प्राविधिक काम गरिरहेको छ । यसैक्रममा मोबाइल सेवा प्रभावित हुन सक्ने टेलिकमको भनाइ छ ।

 

 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्