Sat, 19 Oct, 2019


नेपाली कामदारका लागि मलेसियाको रोजगारी खुला
फरकधार / भदौ २६, २०७६

काठमाडौं– नेपाल र मलेसियाबीच नेपाली कामदारका लागि मलेसियाको रोजगारी खुला गर्ने सहमति भएको छ । नेपाली कामदारका लागि मलेसियाको रोजगारी विगत १५ महिनादेखि बन्द रहेको थियो । 



नेपाल र मलेसियाको श्रम मन्त्रालयका सहसचिव स्तरीय प्राविधिक समितिले मलेसियाको रोजगारी खुला गर्ने सहमति भएको हो । सहमतिसँगै अब नेपालबाट नयाँ कामदार मलेसिया जान पाउनेछन् । 

मलेसिया जान चाहने कामदारले शून्य लागतमा मलेसिया जान पाउनेछन् । कामदार जाने प्रक्रियाको सबै खर्च रोजगारदाता कम्पनीले बेहोर्ने सहमति भएको छ । मेडिकल खर्च भने कामदारले पहिलो महिनाको तलबबाट तिर्नुपर्नेछ । 

श्रम रोजगार तथा समाजिक सुरक्षा मन्त्रालयका अधिकारीका अनुसार अब श्रम समझदारी अनुसार मलेसियामा नयाँ कामदार जान पाउनेछन् ।

नेपाल सरकार र मलेसियाबीच श्रम समझदारीमा हस्ताक्षर भएको १० महिना बित्दा पनि रोजगारी खुल्ने छाँट नदेखिँदा वैदेशिक रोजगार व्यवसायी असन्तुष्ट बनेका थिए । पछिल्लो निर्णयले उनीहरूमा उत्साह छाएको छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्