एजेन्सी– हरेक वर्ष १३ सेप्टेम्बरमा विश्व सेप्सिस दिवस मनाइन्छ । सेप्सिस निकै घातक रोग हो । यो रोगका कारण बिरामीको ज्यान पनि जानसक्छ ।
सामान्य अवस्थामा हेर्ने हो भने इन्फेक्सन हुँदा हाम्रो रगतमा एकप्रकारको केमिकल मेसेन्जर रिलिज हुन्छ । यसलाई प्रोस्टाग्लन्डिन भनिन्छ । यसको काम भनेको चाहिँ त्यो इन्फेक्सन शरीरभर नफैलियोस् भन्ने हो ।
तर, जब शरीररले यसलाई रेस्पोन्ड गर्न सक्दैन, त्यो अवस्थालाई सेप्सिस भनिन्छ । यसले नियन्त्रणबाहिर गएर नै शरीरलाई ड्यामेज गर्छ ।
यो अवस्थामा शरीरमा विभिन्न अंगले एकैपटक काम गर्न छोड्न सक्छन् । जसले शरीरलाई निकै ठूलो नोक्सानी पुर्याउँछ । सेप्सिसका कारण बिरामीको रक्तचाप पनि निकै कम हुन्छ । जसले गर्दा बिरामीको मृत्यु पनि हुनसक्छ ।
के हुन त सेप्सिसका लक्षण ?
– शरीरमा हुने इन्फेकसन जस्तै निमोनिया, विभिन्न घाउ तथा युरिनरी ट्र्याक इन्फेक्सन ।
– शरीरको तापक्रम १००.९४ डिग्री फरेन्हाइट भन्दा बढी वा ९६.८ डिग्री भन्दा कम हुनु ।
– ब्लडप्रेसरमा घटबढ
– मुटुको धड्कनको गति ९० बिट्स पर मिनटभन्दा बढी
– छिटोछिटो सास फेर्नु
– पिशाब कम आउनु अथवा पूरै दिन पिशाब नआउनु
कसलाई हुनसक्छ सेप्सिस ?
– बालबालिका अथवा बुढापाकामा
– कमजोर इम्यून सिस्टम भएकामा
– डायबिटिज वा सिरोसिस भएकाहरुलाई
सेप्सिसबाट कसरी बच्ने ?
– फ्लू, निमोनिया वा अन्य इन्फेकसन भएमा तुरुन्त भ्याक्सिन लगाउनुपर्छ ।
– स्वच्छ रहने, घाउ भएमा दिनहुँ सफा गर्ने ।
– इन्फेक्सनको शंका भएमा तुरुन्त डाक्टरसँग सम्पर्क गनुपर्छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।