नयाँदिल्ली– भारतका प्रधानमन्त्री नरेन्द्र मोदीले आफ्नो ६९औँ जन्मदिनमा आमा हीरासँग आशीर्वाद लिएका छन् । आशीर्वाद लिएपछि उनले आमा हीरा बेनसँगै बसेर खाना पनि खाए ।

मोदी आमासँग आशिर्वाद लिन मंगलबार २ बजे गुजरातको गान्धीनगरस्थित निवासमा पुगेका थिए । मोदीले झन्डै आधा घन्टा आमासँग भलाकुसारी गरेका थिए । 

प्रधानमन्त्री मोदी गान्धीनगर पुग्दा उनको निवासबाहिर स्थानीयको भिड लागेको थियो । आमासँगको भेटपछि घरमा आएका स्थानीयसँग सेल्फी खिचेर उनी नयाँदिल्ली फर्किएका छन् ।