काठमाडौं– आगामी आइतबारदेखि काठमाडौंमा १० चक्के सवारीसाधन प्रवेशमा गर्न नपाउने भएका छन् । यातायात व्यवस्था विभागले ठूला मालवाहक सवारीसाधनलाई काठमाडौं प्रवेशमा रोक लगाएका कारण त्यस्ता साधन काठमाडौं प्रवेश गर्न नपाउने भएका हुन् ।
तर, सो नियम सधैँका लागि भने लागू हुने छैन । १२ गते आइतबारदेखि १८ गतेसम्मका लागि १० चक्के र सोभन्दाका माथिका सवारीको आगमनमा रोक लगाइएको यातायात व्यवस्था विभागले जनाएको छ ।
विभागका अनुसार त्यस्ता सवारीसाधनलाई चितवनको नारायणघाटमै रोकिनेछन् । यद्यपि, आवश्यक खाद्यान्न सामग्री, कपडा, औषधि, तरकारीलगायत सामग्री बोकेका सवारी भने भित्रिन पाउनेछन् ।
दसैँका वेला काठमाडौ बाहिर जाने र आउने यात्रुलाई सहज होस् भन्ने उद्देश्यले विभागले यस्तो निर्णय गरेको हो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।