काठमाडौं— नागरिक तथा द रिपब्लिका दैनिक सन्चालन गर्ने नेपाल रिपब्लिक मिडियाको युट्युब च्यानल ह्याक भएको छ । यो प्रकाशन गृहको रेडियो नागरिक र नागरिक नेटवर्कको युट्युब च्यानल ह्याक भएको हो । 

च्यानल शुक्रबार रातिदेखि ह्याक भएको सूचना नागरिकनेटवर्कको बेवसाइटमा प्रकाशित गरिएको छ । रेडियो नागरिकको च्यानल ह्याक गरेर ह्याकरले डेरेभो नाम राखेका छन् ।

नेपाल रिपब्लिक मिडियाले सूचना निकाल्दै यसको समाधानमा काम गरिरहेको जनाएको छ । सूचनामा भनिएको छ, ‘प्रिय पाठक तथा दर्शकवृन्द, रेडियो नागरिक र नागरिक नेटवर्कको यूट्युव च्यानल शुक्रबार रातीदेखि ह्याक भएको छ। हामी नेपाल प्रहरी र यूट्युवसँग समन्वय गर्दै यो समस्या समाधानको लागि निरन्तर प्रयासरत छौं। अहिले ति दुई च्यानलमा आउने भिडियो सामाग्री हाम्रा आधिकारिक नभएको जानकरी गराउँछौं। यसबाट तपाईहरुमा पर्न गएको असुविधाप्रति क्षमाप्रार्थी छौं।’