Sun, 17 Nov, 2019


क्यान्सर उपचारमा अर्को फड्को
फरकधार / असोज २६, २०७६

एजेन्सी— भारतको आइआइटी गुवाहाटीले नियन्त्रित तथा विेशेष तरिकाबाट मानव शरीरमा औषधिको आपूर्तिका लागि प्रकृतिबाट उत्पन्न न्यानो सामग्री विकसित गरेको छ । बायोकम्पाटिबल (जैविक अनुकूल) वाहकको विकासमा यसलाई एउटा ठूलो प्रयास मानिएको छ । यो विकासले अब क्यान्सर लागेको कोशिकामा सिधै किमोथेरापी औषधि दिन सकिनेछ । 



पत्रिका एसिएस बायोम्याटेरियल्स साइन्स एन्ड इन्जिनियरिङमा प्रकाशित भएको एक अध्ययनअनुसार अनुसन्धानकर्ताहरुले लक्षित औषधि आपूर्तिका लागि कार्बनको न्यानोट्युब्सको अध्ययन गरेका हुन् । यो मानिसको रौँभन्दा १ लाख गुणा छोटो हुन्छ । 

अनुसन्धानकर्ताहरुले यसले किमोथेरापीका कारण हुने साइड इफेक्टहरु पनि कम गर्ने बताएका छन् । ‘परम्परागत किमोथेरापी क्यान्सरको उपचारका लागि प्रयोग त हुँदै आएको छ तर यो विधिले झन् राम्रो गर्नेछ,’ यो अध्ययनका मुख्य लेखक तथा आइआइटी गुवाहाटीका प्रोफेसर विमान बी मन्डलले भनेका छन्, ‘यो तरिकाका कारण साइड इफेक्टहरु पनि अत्यन्त कम हुन्छन् ।’


यो सामाग्री सेयर गर्नुहोस्


यो पनि नछुटाउनुहोस्