दाङ– दाङको गढवामा बैठक बसिरहेको स्थानबाट प्रतिबन्धित नेत्रविक्रम चन्द विप्लव समूहका २१ नेतालाई प्रहरीले पक्राउ गरेको छ । उनीहरु एउटा घरमा बैठक बसिरहेका थिए । गस्तीमा गएको प्रहरीले त्यहाँ छापा मारेको थियो ।

गए राति २ बजेतिर नेपाल भारत सीमामा पर्ने उक्त ठाउँबाट उनीहरुलाई प्रहरीको गस्तीमा गएको टोलीले पक्राउ गरेको हो । दाङ प्रहरीका प्रवक्ता विनोदविक्रम शाहले फरक धारलाई बताएअनुसार उनीहरुबाट ठूलो परिणाममा हातहतियार तथा विस्फोटक पदार्थ पनि बरामद गरिएको छ ।

पक्राउ पर्नेको सूची चाहिँ प्रहरीले सार्वजनिक गरिसकेको छैन ।