Wed, 13 Nov, 2019


त्रिविमा फारम भर्ने समय थप
फरकधार / कात्तिक १, २०७६

काठमाडाैं— विद्यार्थीको परीक्षा फाराम भर्ने चाप बढेपछि त्रिभुवन विश्वविद्यालयले समय थप गरेको छ । निजीतर्फको स्नातकोत्तर तह दोस्रो वर्षको परीक्षाको फाराम भर्नेको संख्या बढेपछि आठ कात्तिकसम्मका लागि समय थप गरिएको परीक्षा नियन्त्रण कार्यालयका सहनियन्त्रक पशुपति अधिकारीले जानकारी दिए । 



उनका अनुसार दोब्बर दस्तुरमा कात्तिक १९ गतेसम्मका लागि समय थप गरिएको छ । अहिलेसम्म जनप्रशासनमा पाँच हजार र राजनीतिशास्त्रमा छ हजारले परीक्षा फाराम भरिसकेका छन् । शुक्रबारसम्म तोकिएको दस्तुर र १५ गतेसम्म दोब्बर दस्तुरमा फाराम भर्ने समय तोकिएको थियो । 

गत वैशाखमा त्रिविले स्नातकोत्तर तहको जनप्रशासन र राजनीतिशास्त्र विषयको निजीतर्फको फाराम खुला गरेको थियो । सहनियन्त्रक अधिकारीले वार्षिक परीक्षाअन्तर्गत निजीतर्फ भर्ना लिने वा नलिने भन्नेमा अझै निर्णय नगरिएको बताए । 


यो सामाग्री सेयर गर्नुहोस्


यो पनि नछुटाउनुहोस्