Sat, 23 Nov, 2019


विप्लव समूहले गरायाे काभ्रेका चार ठाउँमा विस्फाेट
फरकधार / कात्तिक ३, २०७६

काभ्रे–  नेत्रविक्रम चन्द समूहले जिल्लाको विकट मानिने महाभारत गाउँपालिकाको ४ स्थानमा विस्फोट गराएको छ । साविक बुढाखानीको साल्मे, ब्रामनटार, बुढाखानी डाँडा र सिपालीडाँडामा सिलिण्डर विस्फोट गराएको हो ।



स्थानीयका अनुसार चन्द समूहका कार्यकर्ताले त्रसित नहुन आग्रह गर्दै गाउँपालिका कार्यालयमा समेत विस्फोट गराउने चेतावनी दिएका छन् ।

जिल्ला प्रहरी प्रमुख एसपी जयराज सापकोटाले प्राप्त सूचनाका आधारमा प्रहरी निरीक्षको टोली घटनास्थलमा परिचालन गरेको जानकारी दिए । ‘केही पड्किएको सूचना आएपछि प्रहरी परिचालन गरेका छौं, विस्तृत बुझिरहेका छौं,’ उनले भने ।

यातायातको सहज पहुँच नभएको गाउँपालिकाको केन्द्रसम्म पुग्न १६/१७ घण्टा पैदल हिँड्नुपर्ने बाध्यता छ । चन्द समूहले विकट क्षेत्रमा गतिविधि सञ्चालन गरिरहेको छ ।

जिल्लाको खानीखोला गाउँपालिकाबाट यसअघि चन्द समूहका नेता हेमन्तप्रकाश वलीसहितका केन्द्रीय नेतालाई पक्राउ गरिएको थियो ।


यो सामाग्री सेयर गर्नुहोस्


यो पनि नछुटाउनुहोस्