Tue, 19 Nov, 2019


युवाहरुले गरे प्रहरीमाथि आक्रमण, ८ प्रहरी घाइते
फरकधार / कात्तिक ३, २०७६

दैलेख– दैलेखमा संचालन भएको सांस्कृतिक तथा घरेलु व्यापार मेलाको सुरक्षामा खटिएका प्रहरीमाथि युवाहरुले हातपात गरेका छन् । प्रहरीमाथि हातपात भएपछि ८ जना प्रहरीहरु घाइते भएका छन् ।



महोत्सव स्थल नारायण नगरपालिका-६ काँडाचौरमा युवाहरुबीच झगडा हुने अवस्था भएपछि दुवै पक्षलाई सम्झाउन खोज्दा प्रहरीमाथि नै हातपात गरेकाे जिल्ला प्रहरी कार्यालय दैलेखका प्रहरी प्रमुख हरिबहादुर ओलीले जानकारी दिए । युवाहरुले प्रहरीको हतियार खोस्ने प्रयास गरेको उनले बताए ।

प्रहरीमाथि हातपात गर्ने केही युवाहरुलाई पक्राउ गरेको छ । पक्राउ पर्नेमा जाहारकोटका डेनिम थापा, नरेन्द्र प्याकुरेल र सुरेन्द्र तामाङ रहेको जिल्ला प्रहरी कार्यालयले जानकारी दिएको छ । घटनामा संलग्न अन्य युवाहरूकाे खोजी कार्य तिब्र पारिएको छ । झगडाको विषय र प्रहरीमाथि हातपात युवालाई सिसी क्यामेराको फुटेजको आधारमा खोजी गरी कारवाही प्रक्रिया थालनी गर्ने प्रहरीले जानकारी दिएको छ ।  


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्