Sun, 17 Nov, 2019


पत्रकारमाथि दुर्व्यवहार गरेको घटनाप्रति महासंघको आपत्ति
फरकधार / कात्तिक ४, २०७६

काठमाडौं– नेपाल पत्रकार महासंघले महास‌ंघका अछाम शाखा सहसचिव तथा कान्तिपुर दैनिकका संवाददाता मेनका ढुंगानालाई समाचारको विषयलाई लिएर अपशब्द प्रयोग गर्दै सार्वजनिक रूपमा गाली बेइज्जती गरेको घटनाप्रति आपत्ति जनाएको छ । 



स्थानीय दुई विद्यालयको भवन निर्माणका लागि चौरपाटी गाउँपालिकाले खोलेको बोलपत्रका कागजात च्यातिएको विषयमा उक्त पत्रिकामा समाचार प्रकाशित भएपछि कागजात च्यात्ने बम धामी भन्ने व्यक्तिले पत्रकार ढुंगानालाई सामाजिक सञ्जालमार्फत अपशब्द प्रयोग गर्दै गालीबेइज्जती गरेका थिए । 
    
महासंघले जारी गरेको विज्ञप्तिमा प्रकाशित समाचारप्रति चित्त नबुझे या गुनासो रहे कानुनी उपचारका अन्य विकल्प हुँदाहुँदै पत्रकारलाई सामाजिक सञ्जालमार्फत अपशब्द प्रयोग गर्दै गालीबेइज्जती गर्नु  निन्दनीय  हुनाका साथै व्यक्तिको सामाजिक प्रतिष्ठामा समेत आघात पुग्ने जनाएको छ ।  

सो घटनाको निन्दा गर्दै त्यसमा संलग्न व्यक्तिमाथि  कानुनी कारबाही गर्न र यस्ता कार्य नदोरिनेतर्फ ध्यान दिन महासंघले सम्बन्धित निकायसँग मागसमेत गरेको छ । 
 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्