logo-img

ब्रेक्जिटः प्रधानमन्त्री जोन्सनले पार गरे पहिलो खुडि्कलाे, तर अपूरो

एजेन्सी– बेलायतका सांसदले प्रधानमन्त्री बोरिस जोन्सनको त्यो प्रस्तावलाई खारेज गरिदिएका छन् जसले युरोपेली युनियनबाट बेलायत अलग्गिने (ब्रेक्जिट) विधेयकलाई तीन दिनभित्र समीक्षा गर्ने भनिएको थियो । 

हाउस अफ कमन्समा सांसदले पहिले ब्रेक्जिट सम्झौताको चाहिँ समर्थन गरेका थिए । यसलाई जोन्सनको पहिलो खुड्किलोको रुपमा लिइएको थियो । तर, त्यसपछि यस सम्झौतामाथि छलफल गर्ने समयसीमाको उनीहरुले विरोध गरेका छन् । 

यसअघि बेलायती प्रधानमन्त्री जोन्सनले सांसदले ब्रेक्जिट योजनालाई अस्वीकार गरेर ३१ अक्टोबरको डेडलाइनलाई विलम्ब गरिदिएमा उनीहरु फेरि चुनाव गराउन सक्छन् । 

मंगलबार सांसदमा भएको पहिलो चरणको मतदानमा ब्रेक्जिट सम्झौताको समर्थन गरिएको थियो । यसको पक्षमा ३२९ र विपक्षमा २९९ मत परेको थियो । लगत्तै भएको दोस्रो मतदानमा यसको समीक्षाका लागि राखिएको तीन दिनको समयसीमाको पक्षमा चाहिँ ३०८ र विपक्षमा ३२२ मत परेको थियो ।

यो मतदानपछि बोरिस जोन्सनले जबसम्म युरोपेली युनियनले आफ्नो उद्देश्य प्रष्ट पार्दैन, तबसम्मका लागि यो विधेयक रोकिदिने घोषणा गरेका छन् । उता, युरोपेली आयोगका एक प्रवक्ताले अब बेलायत सरकारले नै आफ्नो भावी योजनाबारे बताउनु पर्ने बताएका छन् । 

यो सब प्रक्रियाका कारण आफू निराश भएको बोरिस जोन्सनले बताएका छन् । उनले यो नतिजाका कारण बेलायतमा थप अस्थिरता बढ्ने खतरा भएको बताएका छन् । तर, उनले आफू चाहिँ ब्रेक्जिटको पूरै प्रक्रिया यही महिनाभित्र सकाउनेमा दृढ भएको पनि बताएका छन् । 



बेलायतको विपक्षी दल लेबर पार्टीका नेता जेरोमी कोर्बिनले चाहिँ जोन्सनले आफ्नो दुर्भाग्य आफैं बनाएको उल्लेख गरेका छन् । 



  • प्रकाशित मिति : कात्तिक ६, २०७६ बुधबार

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया