काठमाडौं– काठमाडौंमा नेवार समुदायले आज किजा पूजा (भाइटीका) मनाउँदै छन् । यस वर्ष तिथि विवादका कारण केही नेवार समुदायले भने मंगलबार नै किजा पूजा गरेका छन् । काठमाडौंका अधिकांश नेवार समुदायले भने आज भाइटीका लगाउने भएका छन् ।
नेवार समुदायको अनुरोधमा नेपाल सरकारले आज (बुधबार) सार्वजनिक बिदा पनि दिएको छ ।
आज किजा पूजा गर्ने समुदायले मंगलबार म्हःपूजा गरे । मंगलबार नै नेवारी क्यालेन्डर नेपाल संवत् ११४० सुरु भयो ।
किजा पूजामा म्हः पूजाकै दिनमा जस्तै मण्डप तयार गरी विमिरोदेखि सबै प्रकारका फलफूल राख्ने गरिन्छ । त्यसपछि दाजुभाइ दिदीबहीनीले एकअर्कालाई अक्षता, अविर, दहि, चिउरा र पानी राखेको रातो टीका लगाइदिन्छन् । त्यसलाई नेवारी संस्कारमा ‘जाकि सिन्ह’ भनिन्छ । त्यसपछि एकअर्काको दीर्घायूको कामना गर्दै सगुन, उपहार आदि दिने चलन छ ।
नेवार समुदायमा तिहारलाई स्वन्ति नख: पनि भनिन्छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।