Sun, 15 Dec, 2019


कार्यकर्ता पक्राउको घटनाप्रति तरुण दलकाे ध्यानाकर्षण
फरकधार / कात्तिक १५, २०७६

काठमाडौं– नेपाल तरुण दलले नेपालगञ्ज नगरका अध्यक्ष सन्दीपजंग शाहलगायत अन्य स्थानीय नेता/कार्यकर्तालाई शान्तिपूर्ण रूपमा घरायसी छलफलमा रहेको अवस्थामा नेपाल प्रहरीले पक्राउ गरिएको घटनाप्रति ध्यानाकर्षण भएको जनाएको छ ।



लोकतन्त्रवादी तरुणलाई विभिन्न झुटा बहानामा पक्राउ गरी फसाउने र दुःख दिने नियतले बिहीबार राति पक्राउ गरिएको भन्दै तरुण दलले सो घटनाको निन्दा गरेको छ । तरुण दलले प्रहरीद्वारा आफैँले लगेको हतियार तरुण नेता सन्दीपजंग शाहको गाडीबाट बरामद भएको भनी झुटो बहाना बनाई फसाउने र सामाजिक आतंक सिर्जना गर्ने नियतले पक्राउ गरिएको आरोप लगाएको छ । 

अध्यक्ष जितजंग बस्नेतले शुक्रबार एक विज्ञप्तिमार्फत पक्राउ गरिएका सबै नेता/कार्यकर्तालाई रिहाइ गर्न, निर्दोषलाई पक्राउ गरी फसाउन झुटा प्रपञ्च रच्ने प्रहरीलाई कारबाही गर्न र बरामद गरिएको भनिएको हतियारमा फिंगरप्रिन्ट तत्काल जाँच गरी सत्यतथ्य बाहिर ल्याउन माग गरेका छन् । 

 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्