एजेन्सी– भारतीय अभिनेत्री प्रियंका चोपडाले विवाह गरेको अब त निकै भइसकेको छ । तर, उनी सम्बन्धी विभिन्न समाचार आउने क्रम छुटेको छैन । उनको र निक जोनसको विषयमा बारम्बर विभिन्न समाचार आइरहेका हुन्छन् । दुवैले एकअर्कालाई माया गर्ने विषयमा र उनीहरुको सफल वैवाहिक जीवनमा प्रियंकालाई पत्रकारहरुले पनि सोधिरहेका हुन्छन् । 

यही विषयमा प्रियंकाले भारतीय पत्रिका हिन्दुस्तान टाइम्सलाई आफ्नो विवाह सफल हुनुको कारण बताएकी छिन् । उनले भनेकी छिन्, ‘व्यक्तिगत र प्रोफेसन जीवनलाई सन्तुलनमा लिएर अगाडि बढ्नु अत्यन्त मुश्किल हो । तर, मलाई के गर्व लाग्छ भने मैले विवाह त्यस्तो युवासँग गर्न पाएँ जसले मलाई र मेरो सपनालाई निकै राम्रोसँग बुझेका छन् । हामी दुवैले आआफ्नो करिअरका लागि निकै मेहनेत गरेका छौँ । हामी त्यसैले पनि एक अर्कालाई निकै समर्थन र माया गरिरहेका हुन्छौँ ।’

प्रियंकाले आफूहरु एकअर्कासँग दैनिक सम्पर्कमा रहने र विभिन्न ठाउँमा भए पनि भिडियो कल गरिहाल्ने भएकाले आफूहरुको वैवाहिक जीवन सुन्दर भएको अभिव्यक्ति पनि दिएकी छिन् ।