Sun, 15 Dec, 2019


महराको थुनछेक बहस सोमबार फेरि हुने
फरकधार / कात्तिक १७, २०७६

काठमाडौं– संसद सचिवालयकी कर्मचारी रोशनी शाहीलाई बलात्कार प्रयास गरेको आरोपमा पक्राउ परेका पूर्वसभामुख कृष्णबहादुर महराको थुनछेक बहस आइतबार नसकिएपछि सोमबार पनि हुने भएको छ ।



थुनछेक बहस सकिएपछि मात्रै महरालाई थुनामा पठाएर मुद्दा अघि बढाउने वा थुनामुक्त गरेर भन्ने यकिन हुन्छ । जिल्ला अदालत काठमाडौंमा सुरु भएको बहसमा आइतबार चारजना सरकारी वकिलले बहस गरेका छन् ।

जिल्ला न्यायाधीश सुदर्शनराज पाण्डेको इजलासमा काठमाडौंका प्रमुख जिल्ला सरकारी वकिल तथा सहन्यायाधीवक्ता चन्द्रकान्त खनाल, जिल्ला न्यायाधीवक्ता उमाकान्त पौडेल र हर िरेग्मी तथा सहजिल्ला न्यायाधीवक्ता सिर्जना ढकालले पीडित रोशनीको पक्षबाट बहस गरेका थिए । 

जबरजस्ती करणी फौजदारी मुद्दा भएकाले सरकारले नै पीडितको पक्षबाट मुद्दा लड्छ। महराका पक्षबाट आइतबार वरिष्ठ अधिवक्ता लव मैनालीले बहस गरेका थिए ।

महराको बयान गत शुक्रबार सकिएको थियो । सरकारी वकिल कार्यालयले उनलाई जबर्जस्ती करणीको कसुरमा बिहीबार मुद्दा दायर गरेको थियो ।



यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्