एजेन्सी– पछिल्लो समय भारतमा पनि विवाहत्तेर सम्बन्धका घटना बढिरहेका छन् । यसले त्यहाँको अपराधलाई पनि बढाएको छ । आइतबार भारतको ग्रेटर नोएडामा एउटा यस्तै घटना आएको छ । एक व्यक्तिले आफ्नी पत्नीलाई परपुरुषसँग देखेपछि पत्नीको हत्या गरेका छन् ।

उनले पत्नीलाई चक्कुले  १५ पटक प्रहार गरेको त्यहाँको प्रहरीले जनाएको छ । रगत बगिरहेकी पत्नीको शरीरलाई उनले छोडेर आफू फरार भएका छन् । छिमेकीले उनकी पत्नीलाई अस्पताल पुर्याएका थिए । तर, चिकित्सकले उनलाई मृत घोषणा गरिदिए ।

प्रहरीले आरोपी खोजिरहेको छ । प्रहरीका अनुसार सन्जय नामका यी युवाले पत्नीलाई आइतबार अर्को एक युवासँग देखेका थिए । त्यसपछि यी दुईबीच भनाभन भएको थियो ।