Sun, 17 Nov, 2019


महराको थुनछेक बहस सकियो, मुद्दा अघि बढाउने वा थुनामुक्त गर्नेबारे केहीबेरमा आदेश हुने
फरकधार / कात्तिक १८, २०७६

काठमाडौं– संसद सचिवालयकी कर्मचारी रोशनी शाहीलाई बलात्कार प्रयास गरेको आरोपमा पक्राउ परेका पूर्वसभामुख कृष्णबहादुर महराको थुनछेक बहस सकिएको छ ।



जिल्ला अदालत काठमाडौंमा आइतबार सुरु भएको बहस आज सकिएको हो । महरालाई थुनामा पठाएर मुद्दा अघि बढाउने वा थुनामुक्त गर्ने भन्नेबारे बहस भएको थियो । जिल्ला न्यायाधीश सुदर्शनराज पाण्डेको इजलासमा आज चारजना सरकारी वकिलले बहस गरेका थिए ।

पीडित रोशनी शाहीको पक्षबाट काठमाडौंका प्रमुख जिल्ला सरकारी वकिल तथा सहन्यायाधीवक्ता चन्द्रकान्त खनाल, जिल्ला न्यायाधीवक्ता उमाकान्त पौडेल र हरि रेग्मी तथा सहजिल्ला न्यायाधीवक्ता सृजना ढकालले बहस गरेका थिए । प्रतिवादी महराका पक्षबाट वरिष्ठ अधिवक्ता लव मैनाली, पूर्वमहान्यायाधीवक्ता रमण श्रेष्ठलगायतले बहस गरेका थिए । 

महरालाई थुनामा पठाएर मुद्दा अघि बढाउने वा थुनामुक्त गर्ने भन्नेबारे अब केहीबेरमा आदेश हुने बताइएको छ । 



यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्