डा. नरेश सुवेदी नेतृत्वको विज्ञ टोलीले जंगलमा निगरानी गरिरहेको डिभिजन वन कार्यालय तनहुँका प्रमुख केदार बरालले बताए । उनका अनुसार ६ दिनदेखि टोलीले जंगलमा चितुवाको निगरानी गरिरहेको छ । विज्ञटोलीले साँझ ५ बजेदेखि राति ९ बजेसम्म गस्ती पनि गरिरहेको उनले बताए । 

केही महिनायता भानु नगरपालिकाको वडा नम्बर १, २, ३ र ४ मा चितुवाले पटकपटक मानिसलाई  आक्रमण गरिरहेको छ । चितुवाको आक्रबाट यहाँका ६ बालबालिकाको ज्यान गइसकेको भने चारजना घाइते भएका थिए । गाउँमै चिुतवा पसेर बालबालिकालाई आक्रमण प्रयास गर्न थालेपछि स्थानीय  र संशस्त्र प्रहरीले गस्ती गर्दै आइरहेका थिए । 

वन कार्यालयले स्थानीयसँग समन्वय गरी जंगलमा परम्परागत काठका धराप राखेर चितुवा नियन्त्रणको प्रयास पनि गरेको सहायक वन अधिकृत बाबुराम उप्रेतीले बताए । धरापमा दुईवटा चितुवा पनि परेका थिए ।