डा. गाेविन्द केसी सेती अस्पताल भर्ना
फरकधार / २७ कात्तिक, २०७६
फाइल तस्वीर ।

डडेलधुरामा नौ दिनसम्म अनसन बसेका डा. गोविन्द केसी उपचारका लागि धनगढीको सेती प्रादेशिक अस्पतालमा भर्ना भएका छन् । उनी बुधबार साँझ अस्पतालकाे विशिष्ट कक्षमा भर्ना भएका हुन् ।

डा. केसीको 'फिजिसिएन' डाक्टर निराजनदत्त पौडेल शर्माले उपचार गरिरहेका छन् । पत्रकारसँग छोटो कुरा गर्दै डा. केसीले आफू स्वस्थ रहेको बताएका छन् । सरकारले आफ्ना माग पूरा नगरे पुनः अनसन बस्ने उनले बताए ।

डा. केसीले कात्तिक १७ गतेदेखि ७ बुँदे मागसहित डडेलधुरामा अनसन सुरु गरेका थिए । राष्ट्रियताको संवेदनशिलताको विषयमा देशभर जनस्तरबाट आवाज उठेको भन्दै उनले अनसन स्थगित गरेका थिए । धनगढीमा उपचारपछि उनी काठमाडौँ फर्किने छन् ।

  • प्रकाशित मिति : कात्तिक २७, २०७६ बिहीबार १:४४:२३,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया