एजेन्सी–  सलमान खानको फिल्म दबंग ३ अर्को महिना रिलिज हुँदै छ । दबंग ३ का प्रशंसकहरुले यो समयलाई निकै व्यग्रताका साथ कुरिरहेका छन् किनकि यो फिल्मका निर्माताहरुले बारम्बार फिल्मसम्बन्धी केही न केही नयाँ कुराहरु सेयर गरिरहेका छन् । 

फिल्मको मुख्य भूमिकामा रहेका सलमान खानले पनि यो फिल्मबारे नयाँ जानकारी दिएका छन् । सलमानले फिल्म रिलिज हुनुअघि नै आमिर खानको फिल्म ठग्स अफ हिन्दुस्तानको सबैभन्दा ठूलो रेकर्ड तोडेको जनाएका छन् । आमिर खानको पछिल्ले फिल्म ठग्स अफ हिन्दुस्तान लगभग ५ हजार फिल्म हलमा रिलिज भएको पहिलो फिल्म थियो । तर, अब दबंग ३ एकै पटक ७ हजार हलहरुमा रिलिज हुँदैछ ।

यो फिल्म हिन्दीसहित तमिल, तेलुगु र कन्नड भाषामा रिलिज हुने भएको छ । त्यसैले यति धेरै फिल्म हलहरुमा एकै पटक रिलिज हुने यो पहिलो फिल्म बनेको छ ।