काठमाडौं– भारतका म्युजिक कम्पोजर अनु मलिकले फेरि एक पटक इन्डियन आइडलको निर्णायकको भूमिकाबाट बाहिरिनु परेको छ । मलिकमाथि गायिका सोना महापात्राले मिटू आरोप लगाएकी छिन् । 

यो कार्यक्रम अनु मलिकले यसअघि पनि एकपटक छोड्नु परेको थियो । त्यति बेला पनि उनीमाथि मिटू आरोप लागेको थियो । अब उनी अहिले सोबाट निकालिएपछि उनको ठाउँमा अर्को निर्णायक को आउँछ भन्ने खुलाइएको छैन ।

सोना महापात्रले यसअघि बारम्बार आफूमाथि अनु मलिकले दुव्र्यवहार गरेको बताएकी छिन् । उनले आइतबार मात्र महिला तथा बालविकास मन्त्री स्मृति इरानीलाई एक चिठी लेख्दै यसबारे बताएकी पनि थिइन् ।