काठमाडौं– आरटुरो भिडालले खेलको अन्त्यतिर गरेको गोलका कारण ला लिगामा बार्सिलोनाले फेरि जित निकाल्दै शीर्ष स्थानमा आफ्नो पोजिसन कायम राखेको छ । आज भएको खेलमा बार्सिलोनाले लिगानेसलाई जितेको हो । 

खेलको सुरुवातमा चाहिँ युसेफको रोमान्चक गोलले लिगानेस अगाडि थियो । यो गोलको जवाफ दिनका लागि बार्सिलोनालाई निकै समय लाग्यो । पहिलो हाफ सकिएलगत्तै लुइस सुवारेजको हेडरले खेल बराबरीमा पुग्यो ।

भिडालले ७९ औं मिनेटमा गोल स्कोर गरेपछि बार्सिलोनाले यो खेलमा आफ्नो जित पक्का गर्यो । यो सिजनमा बार्सिलोनाले अवे मैदानमा तीन पटक हार व्यहोरेको छ ।