एजेन्सी– निर्माता तथा निर्देशक राकेश रोशनले जनवरीमा फिल्म कृष ४ को घोषणा गरे । उनले फिल्म अर्को वर्षको क्रिसमसमा रिलिज हुने र यसमा आफूले छिट्टै काम सुरु गर्ने बताएका छन् । उनले यो फिल्मलाई लिएर प्रशंसकहरु एक्साइटेड भएको पनि बताएका छन् । 

यो फिल्ममा पनि मुख्य भूमिकामा अभिनेता ऋतिक रोशन नै देखिने भएका छन् । तर, फिल्ममा अभिनेत्री कसलाई लिने भन्नेबारे अहिलेसम्म निर्णय भइसकेको छैन । त्यसैले यसका लागि ऋतिकले मृणाल ठाकुरको नाम सिफारिस गरेको भारतीय सन्चारमाध्यममा समाचार छ । मृणालले यसअघि ऋतिकसँग सुपर ३० मा काम पनि गरेकी थिइन् ।