काठमाडौं– सन् १८८४मा दक्षिण एसियाली महासंघ खेलकुद (साफ)को नामबाट सुरु भएको दक्षिण एसियाली मुलुकहरुको बृहत् खेलकुद प्रतियोगिता । सो प्रतियोगिताको पहिलो आयोजक नेपाल थियो । यसपटक पुनः दक्षिण एसियाली खेलकुद (साग)को नाममा नेपाल फर्किएको छ ।
२००४ देखि दक्षिण एसियाली महासंघ खेलकुद (साफ)को नाम परिर्वतन गरेर दक्षिण एसियाली खेलकुद (साग) राखिएको थियो । नेपालले यसअघि दुईपटक सन् १८८४ र १९९९ मा साफको नाममा यो प्रतियोगिताको आयोजना गरिसकेको छ ।
काठमाडौं र पोखरामा हुने १३औँ साग आउन अब केही दिन मात्र बाँकी छ । यस प्रतियोगिताको १२औँ संस्करण सकिइसक्दा कुल २७ वटा खेलमा प्रतिस्पर्धा भएको छ भने यसपटक नेपालले फिसिङ खेललाई थप गरेको छ ।
सागको इतिहासमा खेलिएका २७ खेल
फुटबल
यो खेल सागका सबै संस्करणमा समावेश भएको छ । नेपालले यो खेलबाट तीनवटा स्वर्णपदक भित्र्याएको छ । फुटबलबाट नेपालले पहिलो, चौथो तथा १२औँ सागमा स्वर्ण जितेको हो ।
एथ्लेटिक्स
यो खेल पनि सागका सबै संस्करणमा समावेश भएको छ । यो खेलबाट नेपालले पहिलो, दोस्रो, तेस्रो तथा सातौँ तथा १०औँ सागमा दुईवटा गरी ६ स्वर्ण जितेको छ ।
बक्सिङ
यो खेल पनि सागका सबै संस्करणमा समावेश भएको छ । नेपालले बक्सिङबाट पहिलोमा २, तेस्रोमा १, चौथोमा १ तथा आठौँ सागमा २ वटा गरेर ६ वटा स्वर्ण जितेको छ ।
पौडी
पौडी खेल पनि सागको सबै संस्करणमा समावेश भएको छ । नेपाललले यो खेलबाट एक मात्र स्वर्ण भित्र्याएको छ । आठौँ सागमा महिला टिम इभेन्टमा स्वर्ण जितेको थियो ।
भारोत्तोलन
यो खेलले पाँचौँ सागबाहेक अन्यमा समावेश भएको छ । नेपालले यस खेलबाट १ मात्र स्वर्ण भित्र्याएको छ । १०आँै सागमा यो खेलबाट नेपालले स्वर्ण जितेको हो ।
कुस्ती
यो खेल पहिलो तथा पाँचौँ सागबाहेक अन्य सागमा समावेश भएको छ । नेपालले यो खेलबाट एउटा पनि स्वर्ण जित्न सकेको छैन ।
कबड्डी
कबड्डी पहिलो तथा पाँचौँ सागबाहेक अन्य सागमा समावेश भएको छ । नेपालले यो खेलबाट पनि एउटा पनि स्वर्ण जित्न सकेको छैन ।
टेबल टेनिस
यो खेल पहिलो र दोस्रोबाहेक अन्य सागमा समावेश भएको छ । यस खेलबाट नेपालले पाँचौँ सागमा महिला इभेन्टतर्फ स्वर्ण जितेको थियो ।
भलिबल
यो खेल पनि पहिलो र दोस्रोबाहेक अन्य सागमा समावेश भएको छ । नेपालले स्वर्ण जित्न नसकेको खेलमध्ये यो पनि एउटा हो । नेपालले यसपटक बिच भलिबल पनि थप गरेको छ ।
बास्केटबल
यो खेल तेस्रो, पाँचौँ, छैटौँ, ११औँ र १२औँ सागमा समावेश भएको छ । यस खेलबाट पनि नेपालले स्वर्ण जितेको छैन । यो सागमा नेपालले यस खेलमा नयाँ इभेन्ट थप गरेको छ । त्यो हो थ्री बाई थ्री बास्केटबल ।
स्क्वास
यो खेल चौथो, नवौँ, दसौँ, एघारौँ र बाह्रौँ सागमा समावेश भएको छ । नेपालले स्क्वासमा पनि स्वर्ण जित्न सकेको छैन ।
लन टेनिस
यो खेल पाँचौँ, छैटौँ, सातौँ तथा १२औँ सागमा समावेस थियो । यस खेलबाट पनि नेपालले स्वर्ण जित्न सकेको छैन ।
सुटिङ
पाँचौँ, छैटौँ, सातौँ, आठौँ, नवौँ, १०औँ, ११औँ तथा १२औँ सागमा समावेस यो खेलबाट नेपालले १ स्वर्ण जितेको छ । पाँचौँ सागमा यो खेलबाट स्वर्ण जितेको हो ।
जुडो
छैटौँ, सातौँ, नवौँ, १०औँ, ११औँ तथा १२औँ सागमा समावेश भएको यो खेलबाट नेपालले ४ स्वर्ण जितेको छ । नेपालले सातौँ सागमा ३ तथा १२औँ सागमा १ स्वर्ण जितेको हो ।
हक्की
यो खेल सातौँ, नवौँ, १०औँ, ११औँ तथा १२औँ सागमा समावेश थियो । यस खेलबाट पनि नेपालले स्वर्ण जित्न सकेको छैन ।
कराते
यो खेललाई आठौँ सागदेखि समावेस गरिएको यो खेल १२औँ सागमा बाहेक अन्य सागमा खेलाइएको छ । यो खेलबाट नेपाल अहिलेसम्म स्वर्णविहीन हुनुपरेको छैन । नेपालले यो खेलबाट २० वटा स्वर्ण जितेको छ । नेपालले आठौँमा १४, नवौँमा १, १०औँमा २, ११औँमा ३ वटा स्वर्ण जितेको छ ।
तेक्वान्दो
यो खेल नेपाललाई सर्वाधिक स्वर्ण दिलाउने खेल हो । यो खेल आठौँ सागदेखि निरन्तर सागमा समावेश छ । नेपालले यो खेलबाट २४ वटा स्वर्ण जितेको छ । नेपालले यो खेलबाट आठौँमा १४, नवौँमा ६, १०औँमा १ तथा ११औँ सागमा ३ वटा स्वर्ण जितेको छ ।
आर्चरी
यो खेल नवौँ, १०औँ, ११औँ तथा १२औँ सागमा समावेश भएको छ । नेपालले यो खेलबाट स्वर्ण जित्न सकेको छैन ।
ट्रायथलन
यो खेल १२औँ सागमा मात्र समावेश गरिएको थियो । नेपालले यो खेलबाट स्वर्ण जितेको छैन ।
ब्याडमिन्टन
यो खेल नवौँ, १०औँ, ११औँ तथा १२औँ सागमा समावेश भएको छ । नेपालले यो खेलबाट पनि स्वर्ण जित्न सकेको छैन ।
क्रिकेट
यो खेल ११औँ सागमा मात्र समावेश गरिएको छ । नेपालले यो खेलबाट स्वर्ण जितेको छैन ।
उस्सु
यो खेल नवौँ, १०औँ, ११औँ तथा १२औँ सागमा समावेश भएको छ । नेपालले यो खेलबाट १०औँमा २, ११औँमा २ तथा १२औँ सागमा एउटा गरेर ५ वटा स्वर्ण जितेको छ ।
साइक्लिङ
यो खेल नवौँ, १०औँ, ११औँ तथा १२औँ सागमा समावेश भएको छ । नेपालले यो खेलबाट पनि स्वर्ण जित्न सकेको छैन ।
रोबिङ
यो खेल नवौँ र १०औँ सागमा समावेस भएको छ । नेपालले यो खेलबाट पनि स्वर्ण जित्न सकेको छैन ।
खो–खो
यो खेल १२औँ सागमा मात्र समावेश भएको छ । यो खेलबाट पनि नेपालले स्वर्ण जितेको छैन ।
गल्फ
यो खेल ११औँ तथा १२औँ सागमा समावेश भएको छ । यो खेलबाट पनि नेपालले स्वर्ण जितेको छैन ।
ह्यान्डबल
यो खेल ११औँ तथा १२औं सागमा समावेस भएको छ । यो खेलबाट पनि नेपालले स्वर्ण जितेको छैन ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।