काठमाडौं– साग गेम्सअन्तर्गत आज भएको खेलको पुरुष भलिबलमा पाकिस्तानले राम्रो गरेको छ । समूह बीको अन्तिम खेलमा पाकिस्तानले श्रीलंकालाई ३–१ को सेटमा पराजित गरेको हो । 

यो खासमा पाकिस्तानले गुमाएको लय फर्काएको हो । यो जितसँगै पाकिस्तान समूहको विजेता भएको छ । आजको खेलमा पाकिस्तानसँग पराजित भए पनि उपविजेतका रुपमा श्रीलंकाले पनि सेमिफाइनलमा आफ्नो स्थान बनाएको छ । 

निकै रोमान्चक र प्रतिस्पर्धात्मक पहिलो सेटमा पाकिस्तानले २८–३० को पराजय भोगेको थियो । दोस्रो सेटमा २५–१८, तेस्रोमा २५–२० र चौथोमा २५–११ ले पाकिस्तानले जित निकाल्यो । 

अब सेमिफाइनलमा श्रीलंकाले समूह एको विजेता भारत तथा पाकिस्तानले समूह एको उपविजेता बंगलादेशको सामना गर्नु पर्ने हुन्छ ।