काठमाडौं– पाकिस्तानी प्रधानमन्त्री इमरान खान सेनाका रबर स्ट्याम्प भएको युरोपियन थिंक ट्यांकले दाबी गरेको छ । एम्स्टर्डमको युरोपियन फाउन्डेसन फर साउथ एसियन स्टडिजले यो दाबी गरेको हो । पाकिस्तानी रेलमन्त्री शेख राशिद अहमदको अभिव्यक्तिलाई आधार बनाउँदै यो दाबी गरिएको हो । 

राशिदले करतापुर कोरिडोरको परिकल्पना पाकिस्तानी सेना प्रमुख कमर जावेद बाजवाको भएको जनाएको थियो । यो बयान दिएपछि पाकिस्तानमा सरकार कमजोर भएको बताउँदै आइएको छ । यसबाट प्रधानमन्त्रीले स्वयं फैसला नलिने धारणा मिलेको बताइएको छ । 

यही थिंक ट्यांकले भारतसँग सम्बन्ध सुधार गर्ने पाकिस्तानी प्रधानमन्त्री इमरान खानको फैसला महत्वपूर्ण भएको बताउँदै यसको श्रेय सेनालाई दिनु गलत भएको जनाएको छ । यो समूहले पाकिस्तानमा लोकतन्त्र अत्यन्त विकृत भइसकेको पनि जनाएको छ ।