काठमाडौं– सत्तारुढ नेपाल कम्युनिष्ट पार्टी (नेकपा)ले संसदको हिउँदे अधिवेशन सुरु हुनुअघि नै उपसभामुख शिवमाया तुम्बाहाम्फेलाई राजीनामा गराउने तयारी गरेको छ।

स्रविधानमा सभामुख र उपसभामुख एउटै पार्टीको हुन नपाउने व्यवस्था छ । सभामुख पद रिक्त रहेकाले सभामुख पद लिन नेकपाले पुस ४ गतेका लागि बोलाइएको संसदको हिउँदे अधिवशेनअगावै उपसभामुखको राजीनामा गराउन लागेको हो । 

सभामुख कोही नभए पनि उपसभामुखले सभामुखलाई सम्बोधन गरेर राजीनामा दिन सक्नेछिन् । उपभामुख तुम्बाहाम्फेले आफूले राजीनामा दिने निश्चित भए पनि त्यसको मिति तय नभइसकेको बताएकी छिन् ।

उनले निर्वाचनको प्रक्रियाबारे छलफल गर्न पुस ४ अघि नै कार्यव्यवस्था परामर्श समितिको बैठक बोलाउने तयारी गरेकी छिन् ।