एजेन्सी– अष्ट्रेलियन प्रधानमन्त्री स्कट मोरिसनले आफू बिदामा गएको विषयमा माफी मागेका छन् । उनी अष्ट्रेलियामा आगलागीले विकराल रुप लिँदा बिदा मनाउन हवाइ पुगेका थिए ।
तर, उनको आलोचना निकै बढेपछि उनले हवाइको भ्रमणलाई छोट्याएर अष्ट्रेलिया फर्किएका छन् ।
अष्ट्रेलियाका तीन प्रदेशमा फैलिएको आगोमा शनिबार एकजनाको शव भेटिएको थियो । सेप्टेम्बरदेखि अष्ट्रेलियामा फैलिएको आगलागीका कारण अहिलेसम्म ९ जनाको मृत्यु भइसकेको छ भने ७ सयभन्दा धेरै घरबारविहिन भएका छन् ।
‘मलाई यहाँका जनतामा भएको अफसोसबारे महसुस भएको छ,’ अष्ट्रेलियन प्रधानमन्त्रीले भने, ‘हामीले यसलाई सम्बोधन गर्न खोजिरहेका छौँ, उद्धार कार्य अगाडि बढाइरहेका छौँ ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
