एजेन्सी– भारतीय क्रिकेटर महेन्द्र सिंह धोनीलाई क्रिकेट अष्ट्रेलियाले आफ्नो वान डे टिम अफ द डिकेड अर्थात् दशकको एक दिवसीय टिमको कप्तानमा छानेको छ । कप्तान कुलको नामले पनि चिनिने धोनीलाई कप्तानी दिएर अष्ट्रेलियाले छानेको यो दशकको क्रिकेट टिममा भारतका मात्र तीन खेलाडी परेका छन् । धोनीसँगै यो टिममा विराट कोहली र रोहित शर्मा परेका हुन् । 

धोनीलाई क्रिकेट अष्ट्रेलियाले यो दशकको गोल्डेन पिरियडका महत्वपूर्ण अनुहार बताएको छ । उनले सन् २०११ मा नै क्रिकेट विश्वकप जिताएर आफ्नो महानता सावित गरेको क्रिकेट अष्ट्रेलियाले जनाएको छ । 

धोनीको औसत ५० रनभन्दा बढी भएको र उनले यो दशकमा ४९ नटआउट पारी खेलेको क्रिकेट बोर्डले जनाएको छ ।

क्रिकेट अष्ट्रेलियाले छानेको टिममा रोहित शर्मा, हाशिम अमला, विराट कोहली एबी डि भिलियर्स, शाकिब अल हसन, जोन बटलर, महेन्द्र सिंह धोनी, राशिद खान, मिसेल स्टार्क, ट्रेन्ट बोल्ट, लसिथ मलिंगा रहेका छन् ।