काठमाडौं– सहिद स्मारका ए डिभिजन लिगमा विभागीय टोली नेपाल पुलिस क्लबले  पहिलो जित हात पारेको छ । पुलिसले सरस्वती युवा क्लबलाई २–०ले पराजित गरेको हो ।

दशरथ रंगशालामा शुक्रबार भएको खेलमा दोस्रो हाफको सुरुवातमा नै सुमन लामाले गोल गर्दै पुलिसलाई अग्रता दिलाएका थिए । 

त्यस्तै, खेलको ७१औँ मिनेटमा भोला सिलवालले गोल गर्दै पुलिसको अग्रतालाई दोब्बर पारेको थिए । यो जितसँगै पुलिस ३ खेलबाट ४ अंक जोड्दै अंक तालिकाको सातौँ स्थानमा छ । 

लिगका ३ वटै खेलमा हार बेहोरेको सरस्वतीले कुनै अंक जोड्न सकेको छैन । सरस्वती लिगको अन्तीम स्थानमा छ ।