झापा– झापाको दमकमा शनिबार राति भारतीय नम्बर प्लेटकाे ट्रकले टेम्पोलाई ठक्कर दिँदा टेम्पाेका चालकसहित दुई जनाको मृत्यु भएको छ । 

ट्रकको ठक्करबाट टेम्पो चालक दमक नगरपालिका ९ का ३९ वर्षीय हरि भुजेल र त्यसमा सवार सोही ठाउँका २४ वर्षीय सुरज साहको घटनास्थलमै मृत्यु भएको इलाका प्रहरी कार्यालय दमकका डिएसपी विजयराज पण्डितले बताए ।

पूर्वपश्चिम राजमार्गको दमकस्थित क्याम्पस मोडमा पश्चिमतर्फ जाँदै गरेको भारतीय नम्बर बिआर ०१ जिएस ८७८८ को ट्रकले विपरित दिशाबाट आएको टेम्पोलाई ठक्कर दिएको थियो । दुर्घटनामा अन्य तीन जना घाइते भएका छन् । स्थानीय अस्पतालमा सामान्य उपचारपछि घाइते घर फर्किएको प्रहरीले जनाएको छ । ठक्कर दिने ट्रक र चलकलाई प्रहरीले नियन्त्रणमा लिएको छ ।