पौडेलको आह्वानमा काठमाडौं आएका जिल्ला सभापतिलाई देउवाले लन्च पार्टी दिने
फरकधार / २३ पुस, २०७६

काठमाडौं– नेपाली कांग्रेस केन्द्रीय समितिले बहुमतले महाधिवेशनको घोषणा गरेपछि सभापति शेरबहादुर देउवासँग असन्तुष्ट बनेका वरिष्ठ नेता रामचन्द्र पौडेलले जिल्ला सभापतिहरुको भेला बोलाए । ४३ जिल्लाका सभापतिहरु पौडेलको आह्वानमा भएको भेलामा सहभागी भए । 

गत सोमबारदेखि सुरु भएको जिल्ला सभापति भेला बुधबार सकिएको छ । जिल्ला सभापतिहरुले सभापति र वरिष्ठ नेतालगायत केन्द्रीय नेतालाई लिखित रुपमै आफ्ना सुझाब बुझाउने तयारी गरेका छन् । 

सोही भेलामा सहभागी जिल्ला सभापतिहरुलाई पार्टी सभापति शेरबहादुर देउवाले लन्‍च पार्टी दिने भएका छन् । लन्च पार्टीका लागि देउवाले बिहीबार बिहान १० बजे जिल्ला सभापतिहरुलाई आफ्नो निवास बुढानीलकण्ठ बोलाएका छन् । 

सबारेको निर्णय केही समयमा पत्रकार सम्मेलनमार्फत सार्वजनिक गरिने बताइएको छ । 

  • प्रकाशित मिति : पुस २३, २०७६ बुधबार १८:८:३५,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यो सामग्री सेयर गर्नुहोस्


यो पनि नछुटाउनुहोस्
मल्टिमिडिया