Tue, 07 Apr, 2020


डाँका मुद्दाका फरार अभियुक्त पक्राउ
फरकधार / पुस २४, २०७६

सिरहा– डाँका मुद्दामा सजाय सुनाइएका फरार रहेका एक जनालाई प्रहरीले ६ वर्षपछि पक्राउ गरेको छ ।



जिल्ला अदालत सिरहाले डाँका मुद्दामा ३० वैशाख ०७१ मा कल्याणपुर नगरपालिका–८ अरंगका ४० वर्षीय मोहम्मद मुस्तफा हुसेन मियालाई ६ वर्ष कैद र एक लाख ८० हजार जरिवानाको फैसला सुनाएको थियो । अदालतले कैद सजाय र जरिवानाको आदेश गरेको थाहा पाएलगत्तै फरार रहेका मियालाई प्रहरीले बिहीबार पक्राउ गरेको हो ।

केही समययता आफ्नै घरमा लुकेर बसेको छ भन्ने सूचनाका आधारमा प्रहरीले फैसलाको करिब ६ वर्षपछि मियालाई उनकै घरबाट पक्राउ गरेको हो । पक्राउ गरिएका मियालाई जिल्ला अदालत सिरहामा उपस्थित गराएर फैसला कार्यान्वयनका क्रममा कारागार पठाइएको जिल्ला प्रहरी कार्यालय सिरहाले जनाएको छ ।


यो सामाग्री सेयर गर्नुहोस्


यो पनि नछुटाउनुहोस्