काठमाडौं– सत्तारुढ नेपाल कम्युनिस्ट पार्टी (नेकपा)को प्रदेश ३ को संसदीय दलले प्रदेशको नाम बाग्मती र राजधानी हेटौंडा राख्ने निर्णय गरेको छ । यसअघि नेपाल कम्युनिस्ट पार्टीको सचिवालय बैठकले पनि राजधानी र नाममा हेटौंडा र बाग्मती नै सिफारिस गरेको थियो । योसँगै प्रदेशको राजधानी हेटौंडा र नाम बाग्मती हुने निश्चितप्रायः भएको छ ।
शुक्रबार मुख्यमन्त्री डोरमणि पौडेलको निवासमा बसेको प्रदेश ३ को संसदीय दलको बैठकले पार्टी सचिवालयको निर्देशनअनुसार नै निर्णय गरेको हो ।
तर, यसबीच प्रदेशका सांसदहरुले यसप्रति असन्तुष्टि देखाएका छन् । उनीहरुले प्रदेशको मामिलामा पार्टीले ह्विप लगाउन नहुने बताउँदै आएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
