काठमाडौं– सहिद स्मारक ए डिभिजन लिगमा मछिन्द्र क्लबले आफ्नो अपराजित यात्रालाई कायम राख्ने क्रममा जावलाखेल युवा क्लबलाई १–० गोल अन्तरले पराजित गरेको छ । 

त्रिपुरेश्वरस्थित दशरथ रंगशालामा आज भएको खेलमा मछिन्द्रलाई जित दिलाउन खेलको ३१औँ मिनेटमा विशाल राईले गरेको गोल नै पर्याप्त रह्यो । 

पिटर सेगुन खेलको उत्कृष्ट खेलाडी घोषित भए । यो जितसँगै ६ खेलबाट १३ अंक जोडेर मछिन्द्र लिगको शीर्ष स्थानमा उक्लिएको छ ।   

त्यस्तै, प्रतियोगितामा पहिलो हार बेहोरेको जावलाखेल समान खेलबाट ९ अंक जोडेर लिगको चौथो स्थानमा कायम छ ।