तेहरान– इरानले लागि इरानका लागि बेलायती राजदूत रोबर्ट मैकेयरलाई पक्राउ गरेको छ । आइतबार इरान सरकारविरुद्ध गरिएको प्रदर्शनबाट उनलाई पक्राउ गरिएको हो ।
बेलायतले राजदूत पक्राउ गरेर इरानले अन्तर्राष्ट्रिय कानुनको स्पष्ट उल्लंघन गरेको प्रतिक्रिया दिएको छ । बेलायती विदेशमन्त्री डोमिनिक राबले राजदूत पक्राउको घटनाको निन्दा गर्दै यस्तो बताएका हुन् ।
इरानमा भएको युक्रेनी विमान दुर्घटनामा मृत्यु भएकाप्रति समवेदना र इरान सरकारविरुद्धको विरोधसभामा सहभागी भएको आरोपमा उनलाई पक्राउ गरिएको हो । यद्यपि राजदूत मैकेयरले आफू प्रदर्शनमा सहभागी नभएको बताएका छन् ।
इरानी सञ्चारमाध्यमहरुले राजदूत सरकारविरोधी गतिविधिमा संलग्न भएको आरोप लगाएका छन् । उनलाई तीन घण्टापछि रिहा गरिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।