काठमाडौं– सहिद स्मारक ए डिभिजन लिगमा ब्रिगेड ब्वाइज तथा सरस्वती युवा क्लबले गोलरहित बराबरी खेलेका छन् ।

त्रिपुरेश्वस्थित दशरथ रंगशालामा आइतबार भएको खेलमा दुवै टोलीले केही अवसर प्राप्त गरेता पनि गोल भने गर्न सकेनन् । 
 
यो बराबरीसँगै सरस्वतीले प्रतियोगितामा पहिलो अंक जोडेको छ । सरस्वतीका मनीष थापा खेलको उत्कृष्ट खेलाडी घोषित भए । 

यो बराबरीसँगै ६ खेलबाट ७ अंक जोड्दै ब्रिग्रेड ब्वाइज अंक तालिकाको आठौँ स्थानमा यथावत् छ भने प्रतियोगितामा पहिलो अंक जोडेको सरस्वती पनि अन्तिम स्थानमा यथावत् छ ।