Mon, 27 Jan, 2020


चिकित्सा शिक्षा आयोगका उपाध्यक्ष गिरीविरुद्ध अख्तियारमा उजुरी
फरकधार / पुस २९, २०७६

काठमाडौं– झापास्थित बी एण्ड सी मेडिकल कलेजका संस्थापक दुर्गाप्रसाद प्रसाईंले राष्ट्रिय चिकित्सा शिक्षा आयोगका उपाध्यक्ष श्रीकृष्ण गिरीविरुद्ध अख्तियार दुरुपयोग अनुसन्धान आयोगमा उजुरी दिएका छन् ।



अवैध रुपमा अकुत सम्पत्ति कमाएको आरोप लगाउँदै प्रसाईंले गिरीविरुद्ध अख्तियारसहित सम्पत्ति शुद्धीकरण आयोगमा उजुरी दिएका हुन् । गिरीले भ्रष्टाचार तथा घुस लिने कार्य गरी अकुत सम्पत्ति आर्जन गरेको प्रसाईंको दाबी छ ।

चिकित्सा विज्ञान राष्ट्रिय प्रतिष्ठान वीर अस्पतालको शिक्षाध्यक्ष रहेको समयमा, स्वास्थ्य सेवा बिमा बोर्डमा कार्यकारी निर्देशक रहँदा र हाल आयोगको उपाध्यक्ष रहँदा गिरीले घुस लिएको आरोप प्रसाईंले लगाएका छन् ।

आफूले एमबिबिएस कार्यक्रम सञ्चालनका लागि सम्बन्धनको सिफारिस गर्न गिरीसमक्ष निवेदन दिएकोमा उनले २० करोड रुपैयाँ घुस अथवा कम्पनीको १० प्रतिशत सेयर मागेको प्रसाईंको उजुरीमा उल्लेख छ । 



यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्