एजेन्सी– भारतको नोएडाका बसपा नेतामाथि एक महिलाले आफ्नी नाबालिग छोरीमाथि बलात्कार गरेको आरोप लगाएकी छिन् । यी महिलाले ती नेताहरुले साथीसँग मिलेर आफ्नी छोरीको बलात्कार गरेको मात्र होइन, भिडिओसमेत बनाएको आरोप लगाएकी हुन् । 

प्रहरीले महिलाले बसपा नेता दयाराम जाटवको अफिसमा यो कार्य भएको भन्दै उजुरी दिएको जनाएको छ ।

बसपा नेताको अफिसमा छोरी बाबुसँग गएको र बसपा नेताले बाबुलाई कुनै सामान लिन बाहिर पठाएर उनीमाथि जबरजस्ती गरेको उनले आरोप लगाएकी छिन् ।  

तर, बसपा नेताले आफूलाई फसाउन यस्तो आरोप लगाएको बताएका छन् ।