काठमाडौं– युवा गीतकार वासु उपाध्यायको गीति एल्बम ‘बरिलै’ सार्वजनिक भएको छ । सो गीतमा गायक हिमाल सागरले स्वर भरेका छन् । 

गीतको म्युजिक भिडियोमा हिमाल सागर र एलिशा राईले अभिनय गरेका छन् । गीतमा संगीत पनि हिमाल सागरकै छ भने व्यवस्थापन सञ्जय हमालले गरेका छन् ।

राजीव समरको कोरियोग्राफीमा बनेको म्युजिक भिडियोलाई शिलन लम्सालले सम्पादन गरेका हुन् ।

गीतकार उपाध्याय स्वयंको प्रस्तुति र शान थापाकाे निर्देशनमा म्युजिक भिडियो बजारमा आएको हो । 

आफूलाई गीत–संगीतमा सानैदेखि रुचि भएको र सो रुचिलाई बरिलैमार्फ प्रस्तुत गर्न पाउँदा गर्व लागेको गीतकार उपाध्यायले बताए ।

आफूले झण्डै तीन सयको हाराहारीमा गीत लेखिसकेको र ती गीतलाई क्रमशः बजारमा ल्याउँदै योजनामा रहेको उनले सुनाए ।