काठमाडौं– युवा गीतकार वासु उपाध्यायको गीति एल्बम ‘बरिलै’ सार्वजनिक भएको छ । सो गीतमा गायक हिमाल सागरले स्वर भरेका छन् ।
गीतको म्युजिक भिडियोमा हिमाल सागर र एलिशा राईले अभिनय गरेका छन् । गीतमा संगीत पनि हिमाल सागरकै छ भने व्यवस्थापन सञ्जय हमालले गरेका छन् ।
राजीव समरको कोरियोग्राफीमा बनेको म्युजिक भिडियोलाई शिलन लम्सालले सम्पादन गरेका हुन् ।
गीतकार उपाध्याय स्वयंको प्रस्तुति र शान थापाकाे निर्देशनमा म्युजिक भिडियो बजारमा आएको हो ।
आफूलाई गीत–संगीतमा सानैदेखि रुचि भएको र सो रुचिलाई बरिलैमार्फ प्रस्तुत गर्न पाउँदा गर्व लागेको गीतकार उपाध्यायले बताए ।
आफूले झण्डै तीन सयको हाराहारीमा गीत लेखिसकेको र ती गीतलाई क्रमशः बजारमा ल्याउँदै योजनामा रहेको उनले सुनाए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।