काठमाडौं– बुधबार प्रतिवन्धित नेकपा विप्लव समूहले बालुवाटारको विवादित जग्गामा झण्डा गाड्दै सो जग्गा कब्जा गरेको बताएको थियो । सोबारे सरकारले प्रतिक्रिया सावैजनिक गरेको छ ।
मन्त्रिपरिषद् बैठकको निर्णय सुनाउन बिहीबार आयोजित नियमित पत्रकार सम्मेलनमा प्रतिक्रिया दिँदै सञ्चार तथा सूचना प्रविधिमन्त्री गोकुल बाँस्कोटाले बालुवाटारको जग्गामा झण्डा गाड्दैमा जग्गा कब्जा गरिएको नहुने बताए ।
उनले यस प्रकरणमा दोषी कसैलाई पनि सरकारले नजोगाउने दाबी गरका छन् । पत्रकार सम्मेलनमा उनले भने, ‘ठाउँ–ठाउँमा गएर झण्डा गाडेर केही हुनेवाला छैन। कानुनी प्रक्रिया र विधिद्वारा निरुपण गर्ने हो । सरकार कसैलाई जोगाउन लागेको छैन।’
विप्लव समूहले जनताको सम्पतिमा आक्रमण गरेकोमा आक्रोश व्यक्त गर्दै उनले सरकार यस विषयमा सहनशील हुन नसक्ने बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।