चितवन– चितवनको भरतपुरमा शुक्रबार बिहान बस दुर्घटना हुँदा दुईजनाको मृत्यु भएको छ भने २३ जना घाइते भएका छन् । भरतपुर अस्पतालमा उपचारका क्रममा २ को मृत्यु भएको हो । 

चितवन प्रहरीका अनुसार मृतकमध्ये एक महिला र एक पुरुष रहेका छन् । उनीहरुको सनाखत हुन सकेको छैन । घाइतेको भरतपुरका विभिन्न अस्पतालमा उपचार भइरहेको छ । 

घाइतेमध्ये १० जना सामान्य उपचारपछि फर्किएका छन् । नारायणगढतर्फ आउँदै गरेको लु२ख ३३०५ नंको ट्रकमा पछाडिबाट आउँदै गरेको बा१प ७८३ नंको पर्यटक बस बिहान ११ः१५ बजे ठक्कर खाएको थियो ।