एजेन्सी– बलिउड अभिनेता सलमान खानले आफ्नी बहिनी अर्पिता खानलाई निकै मन पराउँछन् । सबैलाई थाहा भएको कुरा हो, उनले बहिनीका लागि अनेक कामहरु पनि गरेका छन् । 

तिनै अर्पिताले सलमानको जन्मदिनमा अर्थात् २७ डिसेम्बरमा छोरा जन्माएकी थिइन् । 

सलमानले त्यति बेला आफू यो कुराले निकै खुसी भएको बताएका थिए । उनले त बहिनीले आफूलाई जन्मदिनको सबैभन्दा सुन्दर उपहार दिएको पनि उल्लेख गरेका थिए । अब अर्पिताले सलमानसँग आफ्नो छोराको फोटो राख्दै एउटा इन्स्टाग्राम मेसेज लेखेकी छिन् ।

‘यो दुनियाँमा मलाई अरु कुनै पनि कुराको डर लाग्दैन,’ उनले लेखेकी छिन्, ‘तपाईं मेरो साथमा हुनुहुन्छ र मेरो ख्याल राख्नुहुन्छ भन्ने मलाई थाहा छ ।’