एजेन्सी– भारतको मध्यप्रदेशको घटना हो यो । त्यहाँ एक सडक दुर्घटनामा एक २५ वर्षीय युवाको निधन भएपछि उनका बाबुले नयाँ तरिका अपनाएका छन् । उनले छोराको निधन भएको १३ औं दिनमा बाइकमा सवार भएका ५१ युवाहरुलाई हेलमेट बाँडेका हुन् ।

यसरी छोराको १३ औं पुण्यतिथिको दिनमा हेलमेट बाँड्ने व्यक्ति हुन्, महेन्द्र दीक्षित । स्थानीय स्कुलका यी शिक्षकका छोराले सडक दुर्घटनामा पर्दा हेलमेट लगाएका थिएनन् ।

‘छोराको निधनले हामी निकै दुखी छौँ,’ महेन्द्रले छोराको १३ औं दिनमा आयोजित श्रद्धान्जली सभामा भने, ‘यस्तो घटना कसैलाई नहोस् भन्ने चाहन्छु । दुर्घटना हुँदा मेरो छोराले हेलमेट लगाएको थिएन, म यस्तो नहोस् भन्ने कामना गर्दै ५१ युवालाई हेलमेट दिन चाहन्छु ।’